Chi nasconne chello ca’ sente intô core,
perde sempe coccosa
L’amore e il sesso per un Napoletano e per una Napoletana, si uniscono: è quasi ‘a stessa cosa.
Poichè entrambi vengono non solo dal cuore inteso come organo sensoriale, ma anche dalla pelle, dalla carnalità. A Napoli è una questione viscerale, sempre. In questo articolo ho coniugato l’ amore e il sesso attraverso i versi, dove tutto, filtrato dalle viscere della nostra terra, si abbraccia in una sinfonia di cose belle assaie.
Poesie d’ammore e malizia
*
Te pigliave ‘o café,
io te guardavo,
nun ero già ‘nammurato?
L’ uocchie ‘e tenive dintô zucchero,
sulo accussì posso spiegà
sta vocca ca’ ‘a chillu momento,
nun ha fennuto ‘e te vasà
*
O ssaie ‘o core ‘nnammurato che fa?
Fa finta ca’ nun sape parlà,
e s’annasconne pe’ se fa cercà.
Sulo quanno sente ‘o ver’ammore
se fa truvà,
è comme sî nascesse ‘a primma vota,
comme sî turnasse a respirà.
Stu core strano tu l’ hé fatto scetà,
io m’aspettavo ca’ primma ero muto,
e mo’ saccio parlà ?
*
Mbriaco ‘e te,
‘miez’ a sti cosce affatate,
tu intanto cierche a me,
ma io là me so’ ‘nfilato,
sta cosa bruna,
ca’ me leva ‘o ciato,
e tu già staie stanca,
ma io mo aggio accuminciato.
Nun me stacco,
e te sî rassegnata,
me muozzeche ‘e braccia,
te tiene aggrappata.
‘Mbriaco ancora e nun me vô passà,
stu vino m’ha ‘ncantato
e c’aggia fa!
*
Doce io te penso,
e stu pensiero m’avvelena,
pecché tu nun me piense,
pecché ‘e me nun tiene genio.
Triste è ‘o core, amaro ‘o turmiento,
stu cuncierto ‘e penziere io suono,
ma tu nun me siente,
t’aggio scritto nu messaggio ca’ parla sincero,
chi ‘o sape si l’ hê letto l’ ata sera,
e chesto m’avvelena.
Doce io te penso,
amaro ‘o turmiento,
stu cuncierto ‘o sono ancora,
ma tu nun me siente.
*
Pienze ca’ nun te saccio!
Stasera ce vedimme,
t’aspetto ‘int’ a sti braccia
nun solo ‘int’ a sti braccia,
io te saccio,
e ‘a vocca è semp’ essa
c’ accummencia a nzerià,
e cammenanno, sempe
‘o stesso posto se và a fermà.
E comme te piace,
sta vocca,
vide ca’ cchiú me tuocche,
e cchiú te vô vasà?
Ivan Tudisco autore
Vorrei ricordare ai gentili lettori e lettrici, i canali social dove sono presenti parte dei miei scritti: Facebook, Instagram, YouTube
E che i miei libri sono disponibili su Amazon e nei circuiti librari online, come l’ ultima raccolta di poesie Alma Nera, sul sito della casa editrice Eretica edizione
E il mio ultimo romanzo disponibile su Amazon: Un Amore, un libro che racconta l’ amore al tempo dei social
