Breve riflessione sulla Pasqua
La Pasqua è il rito cultuale più importante della religione Cristiana. Affonda le sue radici nella Pesach, ossia la Pasqua per definizione, quella Ebraica. Durante la Pesach, il popolo ebraico ricorda e commemora l’esodo dall’Egitto e il cammino verso la terra promessa, e fu proprio in una di queste commemorazioni che Gesù fu condannato a morte, costretto al calvario e dunque crocifisso. Dopo tre giorni, Cristo sconfisse la morte risuscitando, i Cristiani quindi convertirono la Pesah in Pasqua come ricordo non di una liberazione da un paese straniero, ma di una liberazione dalla morte.
La Pasqua vuole dire ai credenti e non solo, che c’è sempre una luce in attesa di essere vista, anche dietro la più folta tenebra, e quella luce è Cristo, Salvatore degli uomini, portatore di pace.
Dedico queste mie poesie sulla passione e sulla risurrezione di Gesù, a tutti coloro che soffrono, a ogni famiglia, a ogni uomo e donna di buona volontà.
Passione
Te guardo,
sto’ ccà ‘ncoppa,
senza sciato,
tuorne, pecchè te ne vaie?
Nun t’aggi’abbandunato,
m’hanno ‘nchiuvato a ‘na croce,
e ce so’ restato,
pe’ te fa sentì cchiù forte chesta voce,
primma ca me ne torno addò so’ nato.
Sapisse chisti chiuove che male me fanno,
nun tengo cchiù sango né tengo dulore,
ma stongo ancora ccà, e te sto aspettanno,
chello ca me trattene nun è fierro, ma ammore.
Guardame ‘na vota ancora,
e tu guarda a me,
famme cumpagnia ‘na sola ora,
tutto chesto l’aggio fatto pe’ tte.
E mò, e mò terra mia è ‘o mumento,
l’aggio aspettato pe’ tutta sta passione,
strignenno ‘ncuollo a me chistu strumento,
pe’ te purtà ‘nzieme a me a’ resurrezione.
Morte e speranza
Gerusalemme ianca e nera,
sott’a sta croce nun me pare tu,
songo ‘e tre, eppure pare sera,
e si’ pure ‘o vulisse, nun saie chiagnere cchiù.
Guardate attuorno n’avota ancora,
addò stanno sti spine ca t’hanno pugnuta?
Nun vire cchiù a nisciuno, sî rimasta sola,
chella luce ca tenive ormaie se n’è iuta.
Susete terra ‘e Dio, ca niente è perduto,
guarda a chella croce ca ‘e mane toie hanno forgiato,
chillu Giesù ca vulive muorte, vire, ha vinciuto,
e mò crerimme a chillu Dio ca c’ha criato!
Resurrezione
È Pasca, e tutt’’e campane sonano ‘ncantate,
‘a gente và ‘a funzione vestuta a festa,
‘na luce nova se vede pe’ ‘mmiez e’ strate,
nu cardillo canta ‘ncopp’a ‘na fenesta.
Che gioia ca se sente ‘a ccà e ‘a llà,
pure ‘a cana se n’addona ca coccosa è cagnato,
nun è cosa ca mò vene e po’ se ne và,
è ‘a forza d’ammore ‘e Giesù resuscitato!
E’ Pasca
‘A tavola è ‘mbandita e ‘a veglia è fennuta,
scetateve gente, ‘a morte se n’è iuta!
‘A priezza è tanta e s’ha da festeggià,
‘na cosa gross’assaie ca ce fa ragiunà.
Pecché senza fa niente simme state salvate,
pecché ‘o posto nuosto Gesù s’è immolato
