Desidero anzitutto augurare un felice anno nuovo ai lettori e alle lettrici di questa rubrica, offrendo loro, quattro nuove poesie in lingua Napoletana, che riflettono un senso d’amore che per noi Napoletani, non è amore soltanto, ma Ammore; con due emme, perchè siamo figli di Partenope, e sapimme amà! Buona lettura 🙂
L’ammore simmo nuie,
ca ce guardamme sempe ‘nfaccia,
ca ce dicimme parole amare,
ma po’ stamme sempe ‘int’ a sti braccia.
L’ammore simmo nuie,
pecchè nisciuno ce po’ sapè,
ce penzammo e ce vulimme bene,
e nun sapimme dicere pecchè.
Tu guarde a me e i’ guardo a te,
me dice: e mò? E i’ te risponno: embè,
po’ me vase, i’ te vaso, te guardo e tu me guardo,
ecco l’ammore chest’è
Parole ‘e core,
voce d’ammore,
si’ tu me parle,
me daie sapore,
ero nisciuno,
mò so’ signore,
ero niro,
mò so’ a culore,
vocca bona salute,
si’ faie parlà ‘o core;
i’ sto sempe zitto,
e te sento pure quanno te ne si’ iute
‘A vera ricchezza,
‘a tenimme annascusa,
se cerca c’ ‘o core,
pecchè cu l’uocchie s’abusa.
Nun ‘a truove si’ ‘a cirche cu ‘e mane,
nun è cosa ca si’ ‘a chiamma, accumpare;
‘a truove sultanto si’ saie aspettà,
usanno sulo l’uocchie ‘e l’ammore,
pecchè nun sempe se guarda pe’ guardà
‘E vase,
portano a me,
‘e cose cchiù belle ca tiene pe’ te.
Te vaso e tu me vase,
ce scagnammo ‘e cose belle,
stamme ‘nzieme e ce vasammo,
ce lassamme, ce penzamme,
e turnamme a ce vasà,
comme, staie luntana e te vaso?
‘E cose belle ca he’ dato a me,
e chelli ca i’ aggio dato a te,
s’incontrano, se guardano e se vasano,
accussì ce vasammo sempe, pure senza l’ho sapè
