Tu sei qui
Home > Campi Flegrei > Puema Napulitano: tra Virgilio e il presente

Puema Napulitano: tra Virgilio e il presente

Vi accompagno con i miei versi in lingua Napoletana, in un viaggio a ritroso nell’area Flegrea, ai tempi della Magna Grecia e dell’occupazione Romana, visitando con l’aiuto del poeta Virgilio, quei luoghi anche a lui cari, in un percorso favolistico che ha lo scopo di ricordare le radici del nostro popolo, così bisognoso di riappropriarsi di quella gloria.

Me truvaie all’intrasatta cammenanno pe’ l’Averno,

comme nu suonno me truvaie senza nu mutivo,

nu fummo niro p’ ‘o lago saglieva e pareva vierno,

po’ na faccia se vedette, quase nera p’ ’o currivo.

So’ pueta, so’ scrittore, Virgilio me chiammavo,

a te so’ mannato pe’ te mustrà la via,

do’ passato ‘e chesta zona ch’io tanto amavo,

pecchè tu nun crerisse ca fosse sulo fantasia.

Oh Giesù che staie dicenno?

Sî Virgilio, chillu là?

Eh sì te sto vedenno,

nun è suonno chistu ccà.

Vieni meco omo mortale,

ca te porto addo’ ce sta,

valicando quel portale,

‘a storia vera ‘e sta città.

Me truvaie cu isso ‘mmiez’ ‘o fummo do’ portale,

e quann’ascette, e che ce sta!

Nu munno ‘e gente antica, “ma non è normale!”

Ma ‘o pueta me dicette: chesta è Cuma, è verità.

‘A città era bella assaie,

templi ‘e marmo e gente acculturata,

‘a lengua era diversa, Greca me cuntaie,

‘o pueta ca me guidava comme n’anima affatata.

Virgilio me purtaie pô tiatro e pô mercato,

me cuntaie tutt’ ‘a storia ‘e chella granda città,

me sentevo assaie orgoglioso e nu poco emozionato,

e ienno a Napule dicette: “ po’ ’a Cuma, venetteno ccà”.

‘Ncoppa pizzofalcone ‘e Cumane ietteno,

vicin’ ‘o mare, ‘nterr’ a’ rena,

n’ata città llà facetteno,

dannoce ‘o nomme ‘e ‘na sirena.

Partenope era grossa, bella comme nu surriso,

pareva ‘e sta ad Atene tant’era assaie preziosa,

‘e femmene parevano na schiocca ‘e paraviso,

cu ‘e veste ianche ‘e lino c’adduravano ‘e rosa.

Puete a ogne parte cantavano canzone,

filosofe e studiose se parlavano all’agorà,

ogne cose ‘e chillu posto te lassava n’emozione,

ogne cose t’ammaestrava senza te parlà.

Ma Virgilio me dicette: iammuncenne cchiù ‘a llà,

pecchè ‘o populo se spustaie ‘a na parte cchiù reparata,

pe’ se pruteggere dȇ nemici facetteno n’ata città,

Nea polis ‘a chiammavano, cchiù bella e rinforzata.

Napule antica tu si’ nata Greca e guerriera,

e pure quanno Roma te mettette ‘int’all’impero,

sempe ‘a stessa si’ rimasta, sempe vera,

comm’ ‘o Dio ca t’ha criata, chillo buono e sincero.

Po’ ‘o pueta me purtaie vicino a Napoli,

a nu posto addo ‘e re, ieveno a villeggià,

na piccola Roma pareva Bacoli,

puorte ‘e l’impero, perla ‘e rarità.

All’intrasatta me truvaie a Puzzule ‘a cammenà,

me pareva ‘e sta a Roma pe’ la granda sumiglianza,

che bellezza assapuraie, quanta immensa maestà!

Me sentette ‘e fa n’inchino come segno di creanza.

Ma turnanno pe’ l’Avierno, Virgilio me ammunette:

guarde buono tu che noti tutta chesta meraviglia,

che ‘a memoria nun se scorda tutto chello ca vedette,

ma facesse bona scorta e s’ ‘a crescesse comme na figlia.

Me truvaie po’ sul’io all’Avierno ‘int’ ‘o presente,

cu nu core convertito pe’ le grazie ca vedette,

me sentivo forte e fiero ‘e appartenè a chesta gente,

ringrazianno a chillu Dio, ca Napulitano me facette.

Ivan Tudisco
Ivan Tudisco è nato a Napoli nel 1980 dove attualmente vive. Nel 2007 ha esordito con una raccolta di poesie edita da una casa editrice Siciliana, seguiranno altre due raccolte, di cui l’ultima pubblicata nel 2021 con una editrice Romana: Rosabianca edizioni. Nel 2020 ha esordito con il suo primo romanzo: Gente di Pianura, in ebook. Una serie di racconti di genere vario, sono stati pubblicati su varie antologie nazionali tra il 2019 e il 2021, e una raccolta di favole, ha visto la sua pubblicazione nel 2021, ed è tuttora disponibile sul sito della casa editrice Ivvi. In Giugno 2022, sarà pubblicato un nuovo romanzo, con l’editrice Montag, collabora con QuiCampiFlegrei dal 2020. Tutti i libri di Ivan Tudisco sono disponibili nelle librerie online, quali: Mondadori storie, La Feltrinelli, Libro Co.

Articoli Simili

Lascia un commento

Top Menu
Translate »
error: Il contenuto del sito è protetto