Nea polis (Nuova città) fu chiamata dai coloni di Cuma nel IV secolo a.C., quando dalla zona dell’ attuale Pizzofalcone, si spostarono per edificare una nuova città.
Neapolis era una città Greca a tutti gli effetti, nelle sue strade, nei suoi templi, nel suo costrutto sociale. Partenope, la sirena che dopo la nefasta esperienza con Ulisse, si lasciò morire in mare, e il suo corpo spinto dalle correnti, giunse sul dorso di un isolotto chiamato Megaride, sul lungomare di Napoli, è la sua protettrice, il cui culto era più che mai vivo quando la città fu fundata.
Come ogni polis Greca, abbondavano in città, scuole filosofiche e poeti, che si esibivano nell’ anfiteatro e nelle piazze, e in nome di questo glorioso passato, ho immaginato come poteva essere la poesia in stile Greco classico, scritta in lingua Napoletana. Buon viaggio in questo scorcio dell’antica Neapolis.
Poesia
I
Tengo ‘e vase tuoie,
ma nun ‘e tengo overamente,
dincello ‘o sole,
ca ‘a matina se porta tutt’ ‘e suonne,
è forse n’inganno?
Sî forse tu, figlia ‘e chella divinità,
c’ â notte me da vita,
e ‘o juorno ‘a morte?
Vita o morte, nun me faie murí,
e manco me faie campà,
forse sta destinato e scritto,
ca’ chi overo ama, nun trova felicità
II
Vulesse addivintà na stella,
sulo pe’ te guardà,
quanno ‘a notte chiove,
dicesse a Dio: famme appiccià,
là ce sta chella ca’ voglio bene,
nun ‘a voglio fa aspettà.
III
‘Miez’ juorno, ‘a vita passa,
‘ncopp’ ‘e sandali argiente,
cammina e nun se ferma,
nun perdo tiempo appriesso a Dioniso,
tramonta l’ ommo, e niente lascia,
ma tutto porta annanze ‘o Dio,
meglio, dice ‘o saggio,
nun farse dominà,
meglio, dico pur’io,
cercà sulo ‘int’ all’ ammore,
chillu poco ‘e felicità.
IV
Partenope me l’ ha itto,
nu juorno ‘e sole scuro:
pigliate a poesia,
e tienatella cara,
io me tengo ‘o mare,
pecché là so’ nata,
t’aggio dato na casa ca’ pe’ bellezza,
pure ‘a divinità ce prova invidia,
c’ ha pruvato Ade, ma Apollo l’ ha difesa,
guarda stu regalo ca’ Dio buono v’ha lassato,
pe’ volontà mia: Partenope, figlia dô mare,
nata ‘a nu Dio, morta pe’ n’ ommo,
immortale pâ gente
V
Neapolis ‘a chiammamme,
VI
Io te suono,
comme se fa cu ‘nu strumento,
quannô sole scummoglia ‘a terra,
e fa nascere ‘e note câ tenuto
annascuso p’ ‘a nuttata.
Figlia, sora mia, amante,
sciglie pure che vuò essere,
io me piglio tutto,
me l’ ha itto Afrodite,
sotto a n’ albero,
nu juorno ‘e primmavera,
sí me l’ ha cuntato,
quann’ è vero ‘o Dio
e sta canzone ca’ t’aggio cantato.
VII
Lassame nu vaso ‘ncopp’ a sta terra,
ogne juorno ‘a vaco ânnaffià,
accussì addiventano ciente o mille,
è accussì breve ‘a strada dâ felicità
