Natale è giunto anche quest’ anno, e nella speranza che i popoli tutti vivano un tempo di pace, ci apprestiamo a celebrare questa festività così cara alle famiglie, con un cuore tutto nuovo. Auguro a tutti una serena festa e un felice prossimo anno nuovo, con queste poesie Natalizie in lingua Napoletana; che vi accompagnino nei vostri momenti. Viva La Poesia!
Natale
Natale,e me pare nu ricordo ,
ca’ ‘mpietto a me s’è fermato.
Sî ce penso nun m’arrepiglio cchiú,
ma pô me passa,
pensanno ca’ è ‘a festa ‘e Gesù .
Santa famiglia
Passa, passa ‘a Madunnella,
‘ncopp’ ‘o ciuccio ammaestrato,
mammamia quant’è bella,
San Giuseppe innamorato.
Se senteva: votta votta,
e nun c’ ‘a faceva cchiú,
s’arreparaieno ‘int’ a ‘na rotta,
pe’ fa nascere a Gesù.
‘E pasture pâ notizia,
‘o ietteno a truvà,
cu’ passione e cú letizia,
se mettetteno a cantà.
Pure l’ angele con amore,
se truvaieno âlluccà,
è nato è nato ‘O Salvatore,
pe’ l’ uommene ‘e buona volontà.
Nun é
Nun è l’ addore salato dó baccalà,
nu poco ‘e verza,
è ‘o ricordo ‘e chi c’è stato e chi sempe ce sta’.
Nun è ‘o salotto finemente addobbato,
‘a spesa pê regale,
è ‘a presenza ‘e chillu Dio ca’ ‘miez’ a nuie è nato.
Nun è ‘a malincunia ‘e chi ‘a casa resta sule,
è ‘a gioia ca’ se vede ‘ncopp’ ‘a faccia dê criature.
Nun é ‘o fuoco cavero ‘e nu camino,
‘a neve,
è Dio ca’ s’è ‘ncarnato dint’ ‘o core ‘e nu bambino.
Festa
Festa, guardo e so’ felice.
Coccosa dint’ a l’ aria è cagnata,
l’ albere me pareno amice,
e pure l’aria s’è affatata.
‘E strade sô chin’ ‘e gente,
e tutt’ ‘a città è addobbata,
ma ‘o core dice, giustamente,
perché sul’ ogge sta sceneggiata!
È Natale,e niente conta cchiú,
eppure ieri e ogge è tale e quale,
ma tutt’ ‘e juorn’ è ‘a festa ‘e Gesù.
Quantu bene putessemo fa ‘o posto dô male,
sî pure ‘o core, ‘nzieme a nuie, facesse Natale
